2016/11/07

Aste honetako galdera

Kaixo!
Berrobitik, hona hemen aste honetako galdera:
Nolako etxebizitzak egiten zituzten orain dela 4.000 urte Euskal Herrian?
Ea  laster erantzuten diguzuen.

3 iruzkin:

  1. Kaixo, gu Alkizako LH 4. Eta 5. mailakoak gara. Aste honetako galdera erantzuteko Anoeta eta Alkiza artean dagoen Basagain herrixkari buruz ikertzen aritu gara. Basagain orain dela 4000 urteko herri baten aztarnategi bat da, Burdin Arokoa.
    Hango etxeak 60 metro koadro inguru zuten eta laukizuzenak ziren, adibidez 11 metro luze eta 6 metro zabal. Harria, lurra eta zura erabiltzen zuten etxeak egiteko. Lehenengo lurra prestatzen zuten, paretak adarrak gurutzatu eta gero buztinarekin tapatzen zuten. Batzuetan paretak pezorekin egiten zuten. Teilatua ere adarrekin egiten zuten eta isurialde bakarrekoa. Atea hegoaldeko fatxadan egiten zuten.
    Etxeak nekazaritza eta abeltzaintzarako erabiltzen ziren eta familia handiak hartzeko modukoak ziren.

    ErantzunEzabatu
  2. Kaixo, Igeldo eskolako 5. eta 6. mailakoak gara.

    HONA HEMEN ASTE HONETAKO ERANTZUNA…

    Duela 4.000 urte neolito garaia zen, historiaurrean kokatzen zen. Nomada izatetik sedentario izatera pasa ziren eta kobazuloetatik etxebizitzara.

    Neolito-Metal Aroetan bizileku ohikoena lurrean zuloa eginez eraikitako etxeak ziren. Etxe mota horri ikertzaileek etxola-hondoa deitzen diote. Euskal lurraldeetan aurkitu diren etxeak ere halakoak dira.

    Etxe mota hura eraikitzeko, lehenbizi zorua prestatzen zen, ondoren, bueltan egurrezko zutoinak jartzen zituzten, horretarako propio egindako zuloetan eta haiei eutsita gainean lastozko teilatua jartzen zen.


    Bi bizimodu zeuden, abeltzaintza eta nekazaritza. Abeltzaintza mendietan egiten zuten lan eta lur komunaletan. Nekazaritza jabetza pribatuan eta sedentarismoan oinarritzen zen.


    Herriak sortzen ziren bitartean etxe finkoak sortzen ziren.Herrixkak handituz joan ahala, hiri bilakatu ziren.

    AGUR hurrengo asterarte...

    ErantzunEzabatu
  3. Kaixo, gu Adunako 3. eta 4.mailakoak gara. Badakigu berandu gabiltzala, baina hona hemen pasa den asteko galderaren erantzuna.
    Lehengo astean Arrikrutzeko kobazuloetara (Oñati) joan ginen eta galdera egin genion begiraleari (Borja), bagenekien orain dela 4000 urte Metalen Aroan kokatzen ginela, baina, ez genekien zehazki nolako bizileakuak zituzten. Horregatik, berari galdetu eta etxolatan bizi zirela esan zigun. Erantzuna bideoan jaso genuen eta hemen duzue linka, erantzuna bideoaren hasieran dago.

    https://drive.google.com/file/d/0Bzdnb-vefWOuYTlOM00tRG4wZEU/view?usp=sharing

    ErantzunEzabatu

Beheko karratuan Iruzkina idatzi ondoren, identitate laukitxoan (Izena/URLa) aukeratu eta zure izena jarri. URL hutsik utzi eta (ARGITARATU).